تجربة بقصيدة محكية


تلت شامات 


تلت شامات بخدها الايمن 

متل الجمرة ويمكن أكتر 

تلت شامات وعملوا ثورة 

رسموا حدود بلاد جديدة 

عخدودها وما احلی الرسمة

وطن جديد وارض جديدة 

من جفونا سهام بتحميها 

وعيونا مرجان وياقوت 

إسمع أسمها بيرسم بسمة

وجمالها سبحان المعبود

متل الغيمة بترمي خيرها 

تيزهر بقلبي ورود 

بسمتها متل السياج العالي 

وخلف شفافها لولو غالي 

الشمس بطلعتها خجلت 

والقمر من حسنها كبر 

سحرها اتجلی ويمكن اكتر 

متلها ماشفت ولا بيظهر 

بماضي كاين ولا حتی بمستقبل جاي 

بين نبضاتي صارت حرب 

وأنفاسي نغمة بلفة شال 

يدق العود اوتاروا شرايين ضلوعي 

شو عملت فيني المستورة 

شفتها بزماني مرة 

وهالمرة خلقت بقلبي حسرة 

معقولة تنعاد الكرة 

ياطير الطاير عبكرة 

وصلها سلامي وقلها 

عيوني وروحي صاروا الها 

تردنا هالطلة بالله 

هواها عبق وزنبق وجمبن جوري 

يامحلی شمة عطرها 

أنيسة لهمسات الروح سميتها 

وبكل قصيدة بينبع ذكری 

وبتبقی القصيدة بحيرة 

لما يعود يشوف الشامة  

بيرجع بيعيد الكرة 

تلت شامات بخدها الايمن 

متل الجمرة ويمكن اكتر 

تلت شامات وعملوا ثورة 

رسموا حدود بلاد جديدة 

وعخدودها ما أحلی الرسمة